臨近年尾，好多百貨公司都會諗計搶客嚟增加銷售額，而最常見嘅一招，就係搵班性感美女喺門口搔首弄姿，吸引大家嘅注意。但大家可能忘記咗，最大嘅消費群，往往係女性消費者，所以廣州有間百貨公司就諗得周到，一於搵班肌肉男嚟半裸示人，仲嫌本地薑唔夠辣，一於請外援，今次一請就十幾個樣子俊俏、渾身肌肉嘅男模特兒嚟站台，女性顧客見狀，真係暈晒大浪。而現場所見，壯男們不時同女顧客互動，將佢抱起拋高，興奮到忍唔住失聲大叫。女顧客見到壯男亦一樣唔客氣，一於上下其手，好彩班男模夠大方咋，希望女顧客摸得開心，「濕平」金額亦隨之大增啦！