如果要數南韓十大車模，今日介紹嘅超級美女必定係其中之一，佢就係現時人氣爆晒燈嘅李佳娜，咪睇佳娜外表斯斯文文，原來佢好喜歡拳擊運動，據講仲上過擂台，雖然唔算正規比賽，但佢嘅鬥心，喺圈內屬首屈一指。
今年28歲嘅李佳娜，佢嘅車模形象深入人心，據資料顯示佢05年左右出道，當時只係廿歲未到嘅小妹妹，一曝光就一鳴驚人，喺一項賽事中奪得「賽車女王」嘅封號，雖然只係小型賽事，但呢個獎項，就為佳娜打了一支強心針，下定決心喺車模呢行發展。之後佢差唔多年年都攞獎，而且更由小型比賽，到全國性比賽，佢都能夠勇奪殊榮。有人批評佢身材火爆，但樣子一般，不明白佢為何一個獎攞完又一個獎。其實大家有所不知，佳娜嘅成功，就係同佢嘅興趣有關，喜歡拳擊嘅佢與別人唔一樣嘅，就係擁有一顆永不言敗嘅鬥心！
佳娜幾時開始拳擊運動，佢都話唔係好記得，但佳娜從小就喜歡跑跑跳跳，一日唔做運動，就會周身唔安樂，但佢又怕曬，所以從室內運動中揀些來玩，而拳擊就係其中一種，佳娜竟認真學起嚟，仲話學習拳擊令佢改變好多，一來人瘦咗，二來精神集中咗好多，三來亦係最重要嘅，就係學懂永不放棄，就算被人擊倒都要企番起身繼續作戰……難怪佳娜喺車模界一直屹立不倒，原來有咁強嘅人生信念。近年佢除咗做車模外，更開始做代言工作，所以喺媒體不時見到佢嘅身影，唔少粉絲都希望佢將戰場擴大，拍埋劇、做埋主持，咁就可以見多啲佢囉！
簡介：李佳娜出道多年，所以拍攝嘅照片數量真係為數不少，但就甚少公開，呢個網頁收藏咗當中嘅幾百張，算唔錯o架啦！
網址：http://myfavorites.jonai.net/Korean/Lee_Ga-Na/index.html
李佳娜Profile
出生地：南韓
三 圍：35-24-35
身 高：172cm
撰文：龍四海