今屆喺鄭州舉行嘅國際車展，講到車展當然唔可以唔講吓啲車模，今次同樣搵咗唔少靚靚騷女郎同模特兒站台，但由於有指示不能過於色情，但你唔裸露就冇噱頭，冇噱頭就冇話題，冇話題就冇人關注，廠商使咁多錢做展覽，最後無人問津，咁咪等同白做，於是有籌辦展覽嘅公司就挖空心思，諗計刺激人氣。有廠商把宣傳短片嘅二維碼，用彩繪畫喺性感模特兒嘅腰背上面，客人想進一步攞啲短片嚟睇，就要同現場嘅騷女郎互動，令佢哋乖乖轉身，將臀部一翹，咁你至可以拍到二維碼，再透過手機網絡取得相關資料。呢招一出吸引咗唔少人關注同報道，喺唔過分底下，又可以透過美色博取客人關注，呢招實在漂亮！
撰文：小德
唔少男士諗起日本嘅男女混浴文化，感覺都相當興奮。不過家陣呢種混浴溫泉，卻有可能漸漸被淘汰，當中理由竟然同大量遺下嘅避孕套有關！據統計，日本曾經有800間混浴溫泉旅館，野外混浴溫泉則有400個，合計共有1,200個。時至2013年，全國只剩低500間混浴溫泉旅館，野外嘅則有200個。野外混浴溫泉嘅減速相當快，原因係泉主往往會開放畀公眾浸浴，由於冇人管理關係，唔少人喺度留低垃圾，當中更有為數唔少嘅避孕套，結果令到呢啲野外溫泉數量銳減。另一方面，男女混浴往往會帶畀女士不必要嘅尷尬，亦影響到混浴溫泉旅館減少，真係幾咁可惜呀！
撰文：魂
浴巾遮掩下嘅玲瓏浮凸身材，若隱若現之下更覺誘人，可能係因為咁嘅緣故，有網民喺Twitter上開設咗一個名為「浴巾星期四」（網址：twitter.com/TowelThursday）嘅網站，並呼籲一眾索女將自己披浴巾嘅自拍性感照，喺每個星期四定時定候擺上呢個網站，等網民可以一飽眼福。咪以為呢個只係一班宅男對火辣索女美麗嘅幻想，事實上有唔少索女真係響應呢個呼籲，每個星期四上載自拍火辣相片到呢個網站之餘，更有唔少大隻型男將毛巾照放上去畀大家分享，實行不分男女都可以大飽眼福。至於點解要將上載日子定喺星期四呢？唔好意思，網主並冇解釋當中嘅原因喎！
撰文：魂
唔少性學家認為，男士間中搵五姑娘幫手，既可減壓又可以促進新陳代謝。不過對西班牙男士嚟講，遲啲唔單止有可能唔可以自娛，若然自娛嘅話更有機會犯法添！原來西班牙有協會認為，自娛不但係種邪惡嘅慾望，更係墮胎嘅另一種形式，事關佢扼殺咗精子嘅潛在靈魂，令佢哋被賦予變成人類嘅機會被褫奪，甚至可以視呢種行為等同故意殺人罪；同樣地，夢遺亦屬謀殺行為，因此佢哋向西班牙政府施壓，希望能夠立法將男士自娛列入犯罪行為。同時，呢個組織亦強調自娛會令人產生自閉、出現暴力行為、自甘墮落等。睇嚟西班牙嘅男士可能要同五姑娘講拜拜喇！
撰文：魂