AV達人:吉澤明步陪你過冬

最近日本AV女優嘅海報月曆開始接受訂購,諗起將佢哋掛上牆,有心愛嘅女優陪住度過日夜,真係開心到震!家陣各位AV迷仲有多個選擇,就係預訂吉澤明步嘅最新作品,可有機會贏取寫真座枱月曆!

送禮益粉絲

最近熟女名廠Madonna為慶祝創立10周年,搵來有「成人錄像之帝王」稱號嘅AV界猛人村西亨出山拍攝新作,另外M廠亦為慶祝熟女天后風間由美出道10年周年,推出一部重量級作品《傳說之美人魚》;另外,桃太郎映像為咗賀一賀創立20周年,亦推出好多購物優惠益街坊。除咗呢兩間廠之外,美艷動人嘅日本AV天后吉澤明步今年亦出道10周年,其專屬AV廠MAXING於年初嘅時候,已經為佢搞咗好多慶祝活動,最近MAXING繼續以慶賀步姐10周年之名搞送禮活動,令粉絲們開心又興奮!

全新寫真

至於送咩禮畀大家呢?就係印有步姐精美寫真嘅座枱月曆喇!呢個月曆冇得賣o架,而且上面嘅24張寫真係全新未曾公開過,認真彌足珍貴!咁點樣先可以據為己有呢?由即日起至11月29日上網預訂明步嘅最新作品《來約會一次與最高》,就會獲得抽獎機會,睇吓閣下係咪幸運兒可以成為30位月曆嘅得主之一喇!

另外,MAXING旗下嘅一眾女優亦有送大禮,好似預訂人氣美少女由愛可奈嘅新作,就有機會贏取阿妹私人送出嘅手袋一個。至於其他專屬女優會送出自己着過嘅二手絲襪,仲唔使抽獎,只要預訂12月新碟就可以得到,詳情可以Click上http://www.maxing.jp/tokusetu/present睇睇。

撰文:賢