內地好多模特兒都有大學學歷，原來南韓亦一樣，不少模特兒或者賽車女郎都係大學畢業生，個個都智慧與美貌並重，就好似今日要介紹嘅美女高貞雅，佢讀大學時已經參加世界大學生選美，靚成點都唔使多講！
高貞雅喺2004年參加世界大學生選美，當年佢啱啱17歲，做大學生一年未夠，喺朋友鼓勵下，佢拍拍心口就走去比賽，最後取得驕人成績，令佢確定走演藝圈之路，之後就轉戰2005年嘅南韓小姐選舉，同樣取得不錯嘅成績，貞雅挾住兩大賽事嘅光環，毅然進入演藝圈，同其他模特兒一樣，最先都要喺賽車場打滾一段日子，由於貞雅出道時才十八九歲，未有車牌之餘，對賽車活動更係一竅不通，唔明白啲賽車手喺賽場上開咁快做乜，佢冇心欣賞賽事仲好，反而有時間面對龍友們嘅鏡頭，只要一發現，佢就會擺出不同表情同姿勢，令龍友們滿載而歸。
龍友將貞雅嘅照片，一批一批咁上傳網絡，導致人氣急升，於是有廣告商同雜誌社打佢主意，搵貞雅拍咗不少硬照寫真，之後佢更係車博車展嘅常客，有幾次仲跟廠商出國參展添！貞雅喺內地都有唔少粉絲，又難怪，人靚身材好，加上表情多多，可愛嘅樣子一直深受內地網友嘅歡迎。而近年網絡遊戲大行其道，貴為人氣模特兒嘅貞雅，當然唔少得被網絡商力邀，出任代言或者飾演動漫角色啦！出道八年嘅貞雅，家陣人氣大熱，工作不斷，但佢冇放棄日曬雨淋嘅賽車女郎工作，舊年仲獲得年度賽車女郎大獎，證明佢嘅付出，係有合理回報嘅！
簡介：呢個網頁收藏咗高貞雅數百張精彩寫真，特別係初出道時十分拚搏，露得比較多，而近期嘅作品就以味道取勝，各有千秋！
網址：http://myfavorites.jonai.net/Korean/Go_Jung-Ah/index.html
出生地：南韓
三圍：34-25-34
身高：174cm
撰文：龍四海