AV達人:Premium青黃不接 急請外援

建造業青黃不接,加上缺乏新血入行,有老闆就話希望可以輸入外勞。無獨有偶,日本AV廠Premium因缺乏女優,最近製作大型企劃作要搵外援幫手,真係淒涼呀!

新人唔掂

AV廠Premium於2006年成立,其出品主打美艷又高貴嘅絕色美人女優。早期P廠從S1拉攏到經典美艷天后穗花坐鎮,加埋可愛又靚女嘅星野美優以及二宮沙樹,令廠方實力強勁,同時業績相當理想。當穗花引退之後,P廠就搵來同樣索到爆燈,兼且喺業界甚有地位嘅美尻天后小川亞沙美,以及骨感美人冬月楓撐場,當其時廠方嘅成績亦不俗。

不過,近期P廠嘅女優就出現青黃不接嘅情況,結夜、秋吉雛乃等新人出道時,係就係有氣勢,可惜後勁不繼,最後仲撈到心灰意冷而引退,家陣P廠就只有小川亞沙美、神雪以及河愛雪乃三位專屬AV女優。

慳水慳力

臨近年尾,好多AV廠都會拍攝企劃作谷業績,而P廠嘅最新企劃作將於12月推出,名叫《Premium Terrace House》,搵來4名女優合演,包括波多野結衣、大槻響、櫻井步以及河愛雪乃,當中只得河愛雪乃係專屬女優,其餘三位都係外援,足見P廠嚴重缺乏女優。仲有,劇情講述四女與一男嘅同居生活,全片只得一位男優「出征」,場景亦來來去去嗰幾間房,真係慳水慳力到極點囉!

雖然P廠發掘唔少新人,但係佢哋安排新人先拍全裸寫真DVD吊AV迷胃口,跟住就冇正式拍AV嘅時間表,好似矢野未夏及事原美優就係最佳例子。老實講,咁樣吊人胃口,梗係惹起AV迷不滿啦,加上拍全裸寫真DVD經已令女優暴露底線,到拍AV時,自然欠缺新鮮感,所以一開始就安排新人拍AV好過啦!

撰文:賢