究竟點樣先至係最值得捧場嘅脫衣舞場？有話要有氣氛，又有人覺得應該從性價值嚟睇，只係講到尾最重要都係脫衣舞孃嘅質素夠唔夠。美國最近就有夜遊網站選出多間高質嘅脫衣場，唔單止從脫衣舞孃嘅外形嚟評分，仲會因舞技、演出態度、識唔識得搞氣氛等進行評選，因此得出嚟嘅結果相當有公信力！
得到冠軍就係呢間位於美國內華達州拉斯維加斯嘅無上裝脫衣舞場Spearmint Rhino，其實佢能夠奪冠亦係意料之內，事關拉斯維加斯出名夜生活豐富，加上當地出名以高質素、高享受而聞名，故此講到服務水平絕對毋庸置疑。至於脫衣舞孃方面，唔少評審對呢個場嘅女讚不絕口，除咗因為佢哋樣靚身材正外，舞藝亦相當高超，除咗鋼管舞外，更精通Hip-Hop、拉丁、機械舞等，只係講到令一眾評審印象深刻嘅卻係脫衣舞孃聰頴可人，識得睇男士嘅眉頭眼額而作出唔同嘅配合，令到一眾男士有賓至如歸嘅感覺，難怪被評為脫衣舞場之首。
入選嘅唯一一間非美國嘅脫衣舞場，足見呢間位於墨西哥提華納嘅Hong Kong Gentlemen's Club何等備受青睞！提華納究竟喺邊度？佢位於墨西哥西北部，毗鄰就係美國加州，由於交通方便關係，呢間脫衣舞場便成為美國男士玩樂熱點。主打狂野風格嘅佢，不但喺脫衣舞孃演出時，場內氣氛定必異常高漲，而熱情如火嘅舞孃更係貫徹呢種狂野精神，以極度誘人嘅舞技，令到一眾男士流晒口水。當然，前凸後趷身材以及出眾嘅樣貌，亦係佢吸引男士捧場嘅主要原因，加上佢經常舉辦音樂派對，不論玩家定蒲友都啱玩。
撰文：魂