模影模蹤:谷一步喪溝脫貧

絕大部分女仔都希望釣到金龜婿,等自己可以做少奶奶,下半生過奢華生活。不過,點先可以達到目標呢?水着妹谷一步就好清楚要點做,係有目標地漁翁撒網,喪溝各類專業人才喇!老實講,小弟絕對唔認同其做法,因為佢太過唔將我呢類小人物放在眼內。

童顏靚偈

日本女士好多都駐顏有術,唔單只一眾年過三十嘅女性保持皮白肉嫩,睇落似二十來歲,就連年過二十嘅亦好似未夠18歲一樣咁嫩口,我所講嘅就係谷一步喇!阿妹今年23歲,其稚氣未消嘅可愛童顏唔單只比好多同齡女仔更後生,比起十八少女仲要嫩口,睇嚟佢出入酒吧、機舖都一定要記住袋穩張身份證至得喇。一步除咗嫩口可愛,仲眼仔碌碌,精靈之餘仲相當有神,扮憂鬱又惹人憐愛,笑起上嚟又令人覺得甜到入心。此外,阿妹仲有一副誘人胴體,肌膚鮮嫩雪白,C-Cup上圍以及圓潤夾彈手嘅玉臀更為胴體增加豐滿感覺,令阿妹睇落雖然細細粒,卻擁有好多誘人之處,絕對唔似一般萌妹咁單係靠個樣搵食。

溝足22個

谷一步喺2011年入讀千葉大學期間,參加由日本Miss雜誌去到其大學舉辦嘅選美比賽,憑住過人美貌、驕人身材以及有禮又淡定嘅談吐而成功奪得冠軍寶座。同年,阿妹就開始踏足藝能界,並且拍攝水着寫真,更加獲事務所賞識,將佢同江邊佳那子、森香江奈組成偶像小組「三重奏」,一齊登台以及演出舞台劇,例如《笑劇乙女》。個人發展方面,一步亦相當順利,參演嘅電影同電視劇都有唔少,包括《最高之離婚》以及《天氣預報員第1回》等等。不過,一步妹就曾經表示過雖然一邊努力作幕前演出,但係亦一邊用心溝仔。佢話自己雖然唔算好窮,但係就希望可以過富裕生活,故此近年積極結識律師、醫生,甚至政治人物,一旦結識到就將佢哋編為「谷Commune」,即係屬於阿妹嘅獵物小組當中,再定期同各人增進感情。據聞,谷一步最近已經將此小組嘅獵物數目增加至22個,阿妹你會唔會濫交咗啲呀?

個人博客

谷一步成日都將自己吃喝玩樂時拍下嘅照片上載到博客,想知道阿妹佢最近又去咗邊度玩,Click上佢個博客就得啦!

網址:http://ameblo.jp/hachiippon/

谷一步 Profile

年齡:23歲

身高:5呎1吋

三圍:33C-23-34

撰文:賢