謎一樣嘅男人，通常都受女性嘅歡迎，相反謎一樣嘅女人，受歡迎程度就會大減，可能男人都比較直接，唔喜歡女士太過神秘，而今日要介紹嘅模特兒王月，佢除咗樣子冷艷，畀人睇唔透之外，成熟進步嘅演技，也給人謎樣感覺！
王月2010年左右出道，起初做私拍模特兒，由於每輯照片都瞓身演繹，所以深受龍友們嘅歡迎，之後喺私拍界漸漸闖出名堂，就喺上年轉戰平面模特兒界，由於王月身材高挑，三圍更係玲瓏浮凸，而且拍攝時一啲都唔錫身，所以深得內衣廠家嘅歡迎，近年拍咗多輯性感內衣產品寫真，除咗廠商滿意，更被網友瘋傳，令佢短短一年間人氣急升，最近仲投身電影工作，獻出佢嘅寶貴第一次，雖然唔算乜嘢好重要嘅角色，但都做足功課，獲得劇組工作人員一致好評。
翻開王月嘅官方相冊，大家會發現佢愈嚟愈靚女，兼且愈嚟愈有味道，早年嘅寫真照片，可能佢年紀仲細，要扮成熟型美女，惟有刻意喺造型同化妝上落墨，所以變得有啲不倫不類，但隨着拍攝經驗愈嚟愈豐富，家陣王月演繹成熟性感美女可以話揮灑自如，得心應手，演繹冷艷神秘嘅美女，單靠表情同肢體動作就能完美呈現，所以你會發覺佢嘅作品甚有睇頭，同時大家如果一口氣睇晒佢嘅作品，你會發現佢嘅寫真更係愈嚟愈大膽，經常半裸甚至全裸示人，王月對工作嘅態度咁專業絕對值得表揚，希望嚟緊佳作不斷，令我哋大飽眼福！
簡介：裏面收藏咗王月十多輯經典寫真，當中不乏超性感照片，噴血度極高，而且愈近期嘅作品，愈見王月嘅魅力，欣賞指數一百分！
網址：www.moko.cc/wangyue
出生地：北京
三圍：35-24-35
身高：164cm
撰文：龍四海