柔道家乜都假

話說早前有部AV叫《祝？！能披上婚紗》，演出嘅女優剛力美沙都聲稱為現役美少女柔道家。美沙都於今年5月出道，有傳佢即將結婚，所以呢部AV係其引退作品，仲激玩10次中出向觀眾作告別添！然而，有AV迷發現美沙都原來有另一個藝名野口真里，早於今年1月出道，嚟緊更有新作品推出，即係話成件事都係假嘅，美沙都根本唔係咩現役柔道家，亦冇結緍引退呢回事。哼！想呃我哋冇咁易！

撰文：賢

麻倉憂瞓身救亡

早幾年，AV廠KMP積極發展，不但收購老牌廠宇宙企劃，仲發掘出幾位頂班女優，好似藤井雪莉以及神咲詩織等，氣勢一時無兩。之不過，家陣風光依舊，人面全非，雪莉已經引退，雖然詩織繼續拚搏，又搵到美熟女一條綺美香加盟，可惜兩女人氣有限，最慘就係發掘到嘅兩位超美神愛來優以及愛實玲都唔係咁受歡迎，令KMP氣勢一時間陷入谷底。點算好呢？梗係搵個實力強勁嘅猛將救亡啦！佢就係KMP嘅親生女麻倉憂。

麻倉憂萌味十足，床上功夫又夠熟練，實力拍得住萌系天后花蕾，早前佢轉戰四仔界搏殺，今次為舊東家出戰三仔界，希望可以為KMP重振聲威。不過，AV迷就唔係咁睇好，因為阿妹拍過四仔乜都畀人睇晒，吸引力自然大大降低。當然，如果憂妹玩埋二穴中出，可能仲有少少希望。

撰文：賢

p;脫星墜落

美國前脫星兼四仔導演Aurora Snows，喺讀大學第一年開始做裸模，做到起晒朵，索性輟學做全職脫星，之後阿妹退居幕後做導演。早前，Aurora接受傳媒訪問，問佢點睇依家嘅脫星，阿姐劈頭一句就話：「快上快落，好快玩完！」佢解釋喺未有錄影帶年代，男人要睇四仔，就要入戲院睇，脫星絕不亞於電影明星，但自從VHS年代降臨，四仔迷可以安坐家中睇四仔，脫星嘅地位大大降低。依家觀眾嘅口味已180度轉變，以往入戲院睇四仔，會由頭睇到落尾，但現今只會快速搜畫，片廠為滿足觀眾嘅需要，四仔只集中埋身肉搏，大灑鹽花加重口味，以致四仔毋須劇情，脫星毋須演技，只需青春有偈，埋牙即砌，乜都肯試肯搏，咁就為之好脫星，但無奈呢粒星好快就會「墜落」囉！

撰文：祖