大家睇AV，只會留意邊個女優演出，其實幕後一班精英亦不容忽視，好似最近擁有「成人錄像之帝王」稱號嘅一代AV監督猛人出山拍片，更搵嚟熟女天后風間由美以及人氣爆燈嘅波多野結衣演出，呢部作品絕對不能錯過。
專門拍攝熟女人妻系列嘅AV廠Madonna為慶祝成立10周年，將會有一系列活動展開，而頭炮就勁喇！特別邀請有「成人錄像之帝王」稱號嘅一代AV監督村西亨出山，為新片擔任監督。
今年65歲嘅亨叔，一生充滿傳奇，後生嘅時候曾做推銷員賣教科書，後來轉賣鹹書，卻因觸犯販賣猥褻書籍法例而被起訴，最後判咗緩刑。之後，亨叔加入AV界做幕後工作，好快佢就晉升為AV監督，更憑住夥拍女優立川瞳合作嘅《恥辱的女人》而成名，佢間中亦會客串做男優添！亨叔曾經創立過AV廠鑽石映像，後來因欠債而倒閉，近年佢已經淡出AV界。至於私生活方面，佢娶咗AV女優乃木真梨子做老婆。
今次亨叔出山，為新作《成人錄像的帝王拜訪！！村西亨就是好！》擔任監督。當中，亨叔除咗會主導拍攝，仲會教導素人女優同男優點樣演出床戲。另外，亨叔會親自帶隊落夜總會，運用其口才氹班陪酒孃即場拍攝AV，渾灑自如、長袖善舞嘅亨叔實在值得一眾後輩學習。有咁強勁嘅監督帝王坐鎮，M廠梗係唔止搵幾個素人女優同亨叔合作就算啦，仲有熟女天后風間由美以及人氣爆燈嘅波多野結衣一同演出，喺亨叔嘅淫威……應該係權威之下至啱，兩位天后都恭恭敬敬，全程聽從亨叔嘅指導，果然地位非凡！
撰文：賢