入秋之後，天氣顯著轉涼，唔知係咪小弟身子弱，唔單只覺得涼，仲好寒添！此時此刻，小弟除咗諗起秋風起三蛇肥，食蛇進補驅驅寒之外，仲發現一本來自日本嘅寫真集相當適合呢個天氣欣賞，邊本寫真集咁堅？咪就係日本美少女模特兒鈴木友菜嘅最新寫真集《友菜》囉。友菜妹今年21歲，係日本跳舞時尚雜誌《Seventeen》專屬模特兒，可愛又甜美，青春又嬌俏，身材雖然係瘦削咗少少，但係勝在肉質鮮嫩幼滑又雪白，所以今次喺寫真集當中以三點式同內衣拍攝，亦不失誘人魅力。寫真集嘅重點除咗係阿妹展露新鮮胴體，仲有親切笑容，見到佢笑得咁開心同燦爛，加上取景於熱情洋溢嘅沖繩，令寫真集充滿熱力，而且阿妹仲會將泳衣剪爛，挑戰性感極限，睇完即覺渾身是勁兼發慶，寒意冇得留低。