美國37歲熟女Alana Evans當脫星長達15年，兩年前更僭建到DD巨乳，演出超過500部四仔，同時亦係單親母親一名，獨力苦養兒子成才，真係好偉大。早前Alana姐接受一本雜誌訪問，主題係「Mom Makes Porn」，內容談及脫星媽咪面對嘅苦況，訪問以問答形式進行，被問到既要應付脫星工作又要照顧兒子時，Alana話由於冇固定上班時間，因此有更多時間照顧兒子。而問到佢點樣向囝囝交代自己任職脫星時，Alana好坦白話一啲都冇尷尬，雖然冇直接講畀囝囝自己係現役脫星，但每當電視播放色情畫面時，佢就會同囝囝講自己都係從事呢方面工作，甚至連囝囝嘅同學家長都知道佢係脫星，所以從來冇感到慚愧及壓力。