黑色代表陰暗，白色代表純潔，黃色代表色情，至於藍色呢？好多時都被人認為係憂鬱嘅象徵，不過睇完早安美少女道重紗由美最新嘅寫真集，相信大家會改變此印象。今年24歲嘅紗由美人如其名，擁有薄紗一樣咁幼滑嘅肌膚、柔情似水嘅氣質以及美麗動人嘅明眸。
身材方面，紗由美纖巧得嚟，仲應大則大，應細則細，曲線玲瓏，煞是誘人。作為早安少女組第八代掌門人嘅紗由美工作多多，但係最近亦抽空出嚟拍寫真集《Blue Rose》。呢本寫真集以藍色為主題，紗由美穿上嘅泳裝及其他服飾都以此為主色，藍色原本予人沉鬱之感，但係紗由美咁靚女又咁青春動人，就令呢種感覺一掃而空，變化出秀麗鮮明又健康嘅色彩，令人睇得舒服又高興。
撰文：小德