澳洲有大學嘅調查報告，指當地嘅女醫生當中，竟有55%曾被男病人性騷擾過。最常見係藉檢查身體，要求摸完又摸，突然又話小弟弟痛，即時剝褲畀醫生睇，其次就係口花花，喺言語上食女醫生嘅豆腐。而當中出手揩油嘅，就佔咗三成，情況都咪話唔嚴重。但好多女醫生都見怪不怪，只要病人唔特別過分，都會由得佢。至於點解啲男病人會向女醫生性騷擾呢？調查就冇答案。有網友就話律師、老師、工程師等專業人士，喺日常生活中好難遇到，而女醫生就經常接觸到，於是男病人就會有種向權威挑戰嘅心態，向女醫生埋手！
撰文：小德
網上經常有唔少街頭裸拍艷照流出，只係呢啲所謂裸拍，往往都會揀選一啲冇乜人煙或夜闌人靜嘅街角小巷偷影，好似呢輯最近流出嘅裸拍，被攝者竟然喺上海鬧市街頭度拍攝，卻認真瘋狂兼大膽，難怪輯相流出便馬上喺網上引起哄動！最早一組名為「衡山路驚現美女裸拍」嘅相片喺今個月初流出，須知衡山路一帶係上海人氣酒吧街，雖然相中女子打晒格仔，但相片一出馬上惹嚟極大回響，隨後又有人發布以外灘同著名上海地標為背景嘅兩組街頭裸拍照，更係引起社會關注。有人話相中女子可能係酒後失態，亦有人認為純粹炒作，姑勿論動機如何，只係咁做法卻認真過分囉！
撰文：魂
坊間有唔少情趣用品，都指用咗後會得到性高潮，而事實上，點樣可以喺性愛中更易得到高潮，係唔少男及女士所關心嘅問題。不過最近有大學進行研究後卻發現，原來腳太凍竟然亦係令高潮難以出現嘅原因之一！荷蘭某大學喺一項研究中發現，有八成嘅女性研究對象，喺着上襪後都可以達到高潮，相對冇着襪嘅女士則只有一半得到高潮。負責呢項研究嘅博士認為，雙腳和暖會令佢產生安全及舒適感，並令大腦中嘅焦慮情緒得到抑壓，從而更易得到高潮。睇嚟下次曳曳時，最好叫女伴着番對襪好啲。
撰文：魂
命根斷一次究竟有幾痛，相信各位男士唔使試都知，若然一生人中斷過兩次嘅話，更係人都癲呀！美國著名四仔男優兼導演Prince Yahshua，早前喺同脫星拍攝女上男下騎牛牛體位時，疑因脫星演出過於投入關係，竟然騎斷咗Prince條命根，要即時送院。據醫生講，經手術及治療後，命根康復進度良好，只係手術費高達32,000美金，搞到Prince家陣要喺網上籌集手術費。不過睇番資料，原來佢已經唔係第一次斷命根，喺2010年8月Prince被另一位脫星折斷命根，難怪佢自己都大呼黑仔啦！
撰文：魂