對Party Animal嚟講，每年嘅重頭戲就係10月底嘅萬聖節！每年到咗呢個嘩鬼出籠嘅日子，澳門唔少人氣蒲點都會推出應節狂歡，實行令蒲友玩得鬼咁盡興。好似澳門人氣蒲點之一嘅Sky 21早就急不及待，喺26號晚率先推出名為「墮落天堂 Dark Heaven」萬聖節派對。一眾玩家喺當晚化身成地獄惡魔、誘人妖姬、嗜血猛鬼、狂野怪獸等，齊齊喺呢個墮落天堂中，喺性感妖艷嘅女巫DJ Love音樂奏動下，以迷幻嘅音符咒語令各路嘩鬼起動，釋放身上所有魔力，並拋開一切人間束縛，喺狂亂嘅環境中爆發瘋狂，共享妖魔狂歡嘅萬聖之夜！