男人辛辛苦苦在外搏晒命工作，返到屋企梗係想有人服侍。然而，男人最想服侍自己嘅，未必係一個美貌與身材兼備嘅好老婆，可能係一位美麗親切嘅俏女僕。為迎合男人嘅要求，好多水着女優都鍾意變身為女僕，但係邊個最合適呢？梗係非小原春香莫屬喇。
團結就是力量，大家一條心至可以創出佳績，但係有謂人不為己天誅地滅，做人點都要為自己嘅前途着想，盡量要爭取機會突圍而出，所以日本女子組合好多成員都努力為自己嘅演藝事業拚搏，咁點樣搏先可以上到位呢？答案一定係脫，小原春香就係因為換個水着形象見人，令人氣迅即提升喇。今年25歲嘅春香同之前本欄為大家介紹過嘅相川友希一樣，都係日本女子組合SDN48嘅成員，二人氣質同樣偏向成熟，睇落一樣好似個姐姐咁，但係春香嘅熟味就淡淡然，活像一個親切、活潑開朗嘅家姐。春香呢位家姐體態相當優美，腰幼腿長，上圍即使係斤両不足，但係又圓又翹又飽滿嘅美尻同樣叫人睇得熱血沸騰，美艷指數甚高！
2007年阿妹成為AKB48嘅第五期成員，之後就跟住團體四出表演。2009年春香就從AKB48畢業，再被調到分支組合SDN48發展，繼續隨團演出之外，亦有參演電視劇，包括《甲魚的女人們》。上年年頭，春香為SDN48演出完大型表演活動SDN48 音樂會「NEXT ENCORE」之後宣告畢業，並再次回歸AKB48。其實春香之所以成為AKB48嘅成員，全因近水樓台先得月，點解咁講呢？春香妹擁有嘅專業資格唔少，包括減肥審定3級、女僕審定1級以及食品衞生責任者，呢兩個資格就幫助到阿妹成功獲得位於東京都嘅AKB48劇情裏面間咖啡店取錄，春香就成為女僕服務員。而事務所負責人就係因為幫襯呢間咁就腳嘅咖啡店，因而見到呢位咁靚女又咁好笑容嘅女僕，繼而發掘成為AKB48嘅成員喇。
小原春香除咗會將自己嘅工作消息於博客上公開，亦會將減肥瘦身之道同時放送，想學春香咁健美，不妨上去多加留意啦。
網址：http://ameblo.jp/koharaharuka/
年齡：25歲
身高：5呎4吋
三圍：32-23-34
撰文：賢