古人就話女子無才便是德，不過家陣嘅女仔都係要有內涵比較好，乜都唔識又點同男仔溝通，點樣發展感情呢？如果好似童顏巨乳代表人物磯山沙也加咁，對運動咁有認識，溝仔就絕對冇難度啦！
提到日本水着女優當中嘅童顏巨乳妹，家陣大家會諗起愛衣同篠崎愛，而在佢哋之前，有一個童顏巨乳人物亦相當出名，佢就係磯山沙也加喇！今年29歲嘅磯山沙也加於2003年出道，雖然打滾咗10年，但係阿妹面上嘅稚氣仍未減退，氣質同樣清新可人又可愛，同時仲增添咗一份綺麗秀雅味道。身材方面，沙也加以前就肥肥哋，好聽就係Baby Fat，唔好聽就係冇收身，依家呢？據講沙也加喺2009年曾經被一個叫做《典型日本人體形逃出項目》嘅綜藝節目邀請挑戰收身，要佢將身上嘅肥肉減走，結果阿妹喺57日之內成功收身，腰圍、大腿、手臂一共減咗30cm咁多，自此阿妹就一直Keep住呢副35F-24-34嘅Fit爆身材。沙也加表示瘦咗令咪咪縮水，但係反而雙峰更加迷人堅挺！
沙也加就讀高中二年級嘅時候，從雜誌上見到有藝能事務所刊登嘅招募廣告，於是就抱住平常心態去面試，經過第二輪面試之後就成功被取錄，從而踏足藝能界。由於阿妹可愛又好波，極速成為業界嘅寵兒，參與演出過唔少影視作品，包括有電視劇《水戶黃門》以及特攝片集《超星神》系列等等。活躍於演藝界嘅沙也加仲同好多知名水着女優結緣，阿妹更自爆曾經同熊田曜子、星野亞希、MEGUMI等巨乳女優互相摸胸，同討論如果健胸以及揀胸圍嘅秘訣。
沙也加講波經叻，玩棒球亦都好叻，因為佢中學嘅時候係棒球部話事人，成為水着女優之後亦經常參與棒球相關活動，包括喺2010年嘅一場太平洋棒球聯賽比賽中主持開球禮。另外，阿妹仲係日本職棒隊伍東京益力多燕子隊嘅代言人。除咗棒球，賽艇一樣難佢唔倒，今年年初佢就為賽艇活動Boat Race作旁述，同時佢為多本體育報章同雜誌撰寫有關賽艇嘅評論專欄添！
簡介：磯山沙也加即將踏入30歲，特別為呢個咁重要嘅時刻而拍攝寫真集《Gratitude～30～》，拍攝工作雖然已經完成，但係阿妹仲要密密做宣傳，想知道佢最近去咗邊處做宣傳，就要留意佢個博客喇！
網址：http://ameblo.jp/sayaka-isoyama/
年齡：29歲
身高：5呎2吋
三圍：35F-24-34
撰文：賢