成日話啲人驚到褲都甩，但若然大家去到美國賓夕凡尼亞州嘅Shocktoberfest遊樂場鬼屋玩，就唔使擔心會出現咁嘅情況，皆因你入場時已經剝晒光豬！每年10月遊樂場都會大玩驚嚇節目，而佢哋今年更設立一間以Naked and Scared為主題嘅鬼屋。一睇個名都知呢間鬼屋唔單止玩驚嚇咁簡單，仲大玩光豬顫慄，每位入場人士可選擇着衫或全裸入場。據有關方面指，裸體鬼屋嘅目的係為咗將恐懼感提升到新層次，等玩家喺赤裸裸嘅情況下面對突如其來嘅恐怖事件，而有關意念其實嚟自人氣求生真人騷節目《赤裸與恐懼》（Naked and Afraid），入場人士只要畀US$15至$20（約HK$117至$156），就可以嚇餐飽！
撰文：魂
上個月30日，一眾參加環球比堅尼大賽嘅佳麗，出現福建某大茶園內，美其名話做探訪活動，了解一下中國傳統茶藝文化，實際就係應贊助商嘅邀請前來做騷，扮吓採茶姑娘，喺茶園內採採茶，乘機宣傳一下。本來喺商業社會大家互相利用，確實無可厚非，但新聞一曝光，竟引起內地網友起哄。主要分成兩派，一派就話搵班比堅尼女郎花枝招展嚟採茶，有損原本以樸素恬雅為形象嘅採茶姑娘，而且睇番相，一眾外國囡囡採茶，真係有啲不倫不類。但亦有一派話搵比堅尼女郎做採茶姑娘，原本構思不俗，但佢哋喺採茶時全部包到冚，一啲都睇唔出係比堅尼女郎，完全失去意義。難怪啲網友話希望下次再有呢啲活動，囡囡可以貫徹始終，性感上陣啦！
撰文：小德
早前內地有宗好轟動嘅風化案，因為涉案人士係名人之後，所以媒體都第一時間爭相報道，瞬間被炒成城中熱話，法院經過審理後，裁定涉案5人罪名成立，按各人罪行量刑。咁啱得咁蹺，日本喺9月份有套AV影碟，劇情竟同案件十分類似，例如行兇者同為5人，而主犯喜歡着粉紅色T恤，仲電咗頭髮，最特別嘅係一般AV片嘅男優都好少正面向住鏡頭，但呢一部片嘅男優就多次望鏡頭。據報呢套片一推出，就引起眾多內地朋友嘅興趣，爭相想盡辦法希望先睹為快。而幾經辛苦，我哋終於搵出女主角名子同埋片名，主演嘅女優叫龍澤舞衣，片名就叫做《龍澤舞衣矜持損壞東熱汁》，係Toyko-Hot公司嘅9月新番，有興趣不妨上網搵搵！
撰文：小德
上個月底深圳有媒體報道黃貝嶺嘅小區內，有好多流鶯出沒，報道一刊出，先吸引大批雞蟲到嚟尋幽探秘，搞到良家婦女飽受滋擾，居民怨聲載道，於是有關方面決定採取行動，整治整個羅湖區嘅城中村，當局喺26號晚出動800人，一共掃蕩咗9條城中村，約260間出租屋，同埋40多間娛樂場所，拉咗廿幾人，但抓獲嘅流鶯就只得8個。有網友就話佢哋勞師動眾只拉得8個，黃貝嶺求其一個雞頭手上都唔只8個囡囡啦！對打擊決心存疑，估計只係回應傳媒做嘅大龍鳳。但亦有網友話流鶯流動速度驚人，有關單位一到村頭，佢哋就喺村尾走晒，要拉走地雞，談何容易吖！睇嚟今次成績未如理想，有關方面隨時再嚟一次，各位巴打近期都係少上去為妙！
撰文：小德