模影模蹤：松本沙由紀 上下皆好波

又高又大

日本水着妹當中，擁有驕人巨乳嘅女優比比皆是，佢哋唔單只好波，仲擁有萌到出汁嘅可愛美貌又或者綺麗絕倫嘅胚子。不過，佢哋雖然係乳量十足，但係高度不足，一般嚟講身高都唔會超過5呎5吋，若然想貪心少少希望可以一次過欣賞到美貌、巨乳及長腿則恕難辦到喇。然而，貪心唔係罪過亦唔係只可以從幻想中滿足，因為日本水着界兵強馬壯，梗有一個可以滿足到大家多個願望嘅女優，佢就係松本沙由紀。今年27歲嘅沙由紀係歌手亦係水着女優，歌手嗰邊就唔講住，欣賞佢副無敵靚偈先，點解呀？因為沙由紀嘅胴體真係好吸引囉！阿妹佢身高5呎9吋，一雙美腿夠晒長兼且粗幼適中，配合潤圓挺拔嘅美尻，下半身無懈可擊。上半身又點呀？簡直係橫掃水着界都得呀！因為阿妹上圍有成36吋咁勁，一對純天然G奶分量十足又脹卜卜，好似人頭咁大，問你點頂！

腳法幼細

阿妹就讀初中嘅時候，身材雖然冇家陣咁堅，但係亦已經發育得相當良好，故此被藝能事務所嘅人睇中，搵佢做模特兒。到高中畢業，沙由紀就正正式式出道做模特兒同水着妹，盡騷一副驕人好身材，仲話希望以峰不二子為目標。峰不二子係邊個？咪就係動漫作品《雷朋三世》嘅女主角囉，而沙由紀就同佢一樣高挑又好波，不過峰不二子始終都係動漫人物，阿妹想變到佢一樣，唔通希望可以成為動漫作品女主角？踏足藝能界之後，沙由紀都有唔少幕前演出嘅機會，有份參演嘅電影有《英俊★套裝》、《羊駝和魔術小人兒之書》，電視劇方面亦曾經為《孃王3》演出過，最近阿妹則專注演舞台劇。除咗努力喺幕前演出，沙由紀仲努力做運動，而佢更加係女藝人足球隊伍「南葛Shooters」嘅王牌前鋒，據聞阿妹仲相當好波，腳法甚為幼細，射門亦極之凌厲，曾經喺電視台節目《上帝舌肉》中表演過射門技術，上下都咁好波，真係好難得！

個人博客

雖然松本沙由紀唔係成日更新博客，但係每次發布都係重要又或者有趣嘅消息，好過好多女優係唔係都將九唔搭八嘅資訊塞晒上博客。

網址：http://ameblo.jp/sayuki-blog/

松本沙由紀

年齡：27歲

身高：5呎9吋

三圍：36G-24-35

撰文：賢