澳門夜生活多姿多采，除咗有大量營業到夜深嘅小食店和飯店，仲有好多特色酒吧、大型靚Club，好似嬌比咁更集豪華與時尚於一身，最重要就係地方廣闊，開演唱會都綽綽有餘。嬌比係近年澳門最具人氣嘅夜店之一，佔地約三萬平方呎，擁有多個不同舞池、大型舞台以及大型貴賓房，仲設有哥德式酒吧，朋友相聚把酒談歡又得，去舞池隨勁歌熱舞一番亦得。嬌比並邀請國際級DJ到場演出，將動感澎湃嘅音樂帶畀來賓，10月11日，享譽國際、被稱為全球電子音樂先驅嘅重量級DJ Fatboy Slim亦會到場演出。呢個「肥仔瘦」嘅唱片喺全球總銷售量突破800萬張，仲贏過全英音樂獎、MTV音樂獎、格林美獎等大小獎項，實力非凡，可以想像到演出當晚現場一定興奮無比。