坊間唔少飯店供應椒鹽九肚魚，只係好多時着眼於點樣將九肚魚炸得夠脆，卻忽視咗魚本身嘅鮮嫩，以致炸出嚟相當乾身。不過至尊桑拿炮製嘅椒鹽九肚魚，不但全無呢個問題，更做到既酥且鮮嘅效果，食完果真舔晒脷！
廚師先將九肚魚切頭並起出魚肉，跟住再用胡椒粉、酒等材料醃一陣。索乾魚身水分後蘸上生粉落滾油炸至金黃色。擎乾油後再落鑊配以已爆香嘅蒜頭、辣椒同葱快炒。據師傅話，由於九肚魚又有豆腐魚之稱，製作時既講火候又講求時間要快，先至可以保持到魚肉如豆腐般嫩滑得嚟又有魚味，外層酥脆。
食物提供：至尊桑拿
供應時間：晚上六時至子夜
價 錢：桑拿顧客免費
撰文：魂