女士普遍認為鍾意睇鹹片嘅男士，心理一定好變態之餘，性觀念更係偏頗。不過丹麥哥本哈根大學最新研究卻顯示，鍾意睇鹹片男士嘅性觀念，並唔會因為鍾意及睇得多而產生扭曲，而導致扭曲係因為佢哋本身個性有偏差至會產生。進行呢個研究嘅研究員Gert Martin Hald，將研究男士分成兩組，一組男士個性較為冷血同反抗意識較重，另一組則係個性冇偏差嘅男士。結果發現性格偏激一組喺睇完鹹片後，輕視女性程度變得嚴重，而另一組則冇乜受到影響。Hald認為大家與其爭論鹹片嘅影響，倒不如將精力放喺性格偏激嘅男士，更能起預防同教育嘅作用。