性玩具咁重口味，「硬銷」未必人人接受，反而「軟銷」就非常受落！專售高檔情趣用品的Tantus就用行動話畀大家知，佢用呢招銷售方法有幾成功。話說佢早前請咗個攝影師，又搵咗型男索女去郊外拍咗輯寫真，而寫真內會出現該公司嘅性玩具，整輯寫真絕無裸露及淫穢成分，女嘅穿着背心牛仔褲，拿住支震棒行行企企，男嘅幾乎冇出過正面樣，十足時裝雜誌Styling咁影，更將呢輯寫真命名為「2013 Lookbook」上載至網站，歡迎觀賞喎！據知反應非常熱烈，官方話下一季會繼續拍攝類似嘅唯美寫真添！大家有興趣可上網(目及)(目及)！