某朝早小弟一踏出門口，就感受到一股濃濃嘅秋意，真係估唔到夏天咁快就離我哋而去。不過，大家如果仲懷念夏天都有方法，大可欣賞日本AV界嘅南之國系列，想口味冇咁重，亦可以欣賞今日為大家介紹嘅呢部經典情色片《都市仲夏夜》。
《都》片故事講述一對情侶，唔知佢哋係朋友，定係已經分咗手，又或有冇結到婚，一開頭佢哋一男一女，路易斯同愛蜜莉就全身赤裸咁共處一室，原因除咗佢哋要享受激情，亦因為當晚乃係炎夏嘅一個晚上。佢哋整個晚上喺度卿卿我我，向對方講述彼此嘅過去種種，例如生活情況、與前度戀人嘅相處經歷，甚至係未來嘅目標。佢哋二人先下一城之後，就一邊撫摸住對方嘅身軀，一邊繼續談天說地，期間亦有所爭拗，但係好快就得到解決，仲開始玩調情遊戲。經過整個晚上嘅談話交流以及一幕又一幕嘅激情交歡，二人漸漸發現自身嘅不愉快同苦惱都獲得解決，更促使彼此間嘅感情突飛猛進。
小弟覺得《都市仲夏夜》嘅基調同之前為大家介紹過嘅《情慾9歌》差不多，都係以一對男女貫穿整套作品，性愛場面都係以二人為主。不過《都》片就將男女之間嘅感情及身體交流拍得細膩溫馨，睇落感受到佢哋嘅甜蜜濃情。女主角Marie Trintignant雖然唔係火辣美人，但氣質斯文端莊，胴體纖巧鮮嫩，配合呢類要浪漫而不重激情嘅作品真係一流。當然，除咗性愛場面，故事探討男女之間嘅矛盾亦值得男士細味，對維持彼此關係相信有莫大幫助。
撰文：賢