蕩婦遊行夠搶眼

9月7日美國芝加哥有數百人上街遊行，佢哋全部衣着性感，有啲更赤裸上胸，只喺重要部位貼上膠布就算，原來佢哋係響應一年一度嘅「蕩婦遊行」活動，主要訴求就係保障女性身體嘅自主權。話說呢個活動源於2011年，加拿大警方喺一個講座中，建議女生如果唔想遭受性侵犯，最好着衫唔好太性感，着到蕩婦一樣就會惹人犯罪。報道一傳出，不少婦女團體同組織覺得警方嘅言論，侵害咗佢哋身體嘅自主權，於是上街遊行示威，更以「蕩婦」為口號，為爭取婦女權益而發聲。