日前無錫舉辦第六屆國際汽車博覽會，由於鄰近上海，一眾龍友估計，華中一帶嘅模特兒，一定會空群而出，於是一早就攞齊長短火，買飛入場同啲囡囡死過。車展喺太湖國際博覽中心舉行，據講開齊八個展館，佔地約八萬平方米，近一百家廠商參加，所以一定唔會「密質質」。龍友們早有部署，各地代表自行組隊，分闖八個展區，之後集中火力全面搶攻，大家搞咗大半天，但個個都有啲失望，唔係啲模特兒唔夠靚女，而係佢哋嘅衣服十分保守，唔似以前啲囡囡拋胸露股，龍友們只好失望而回。有網友力讚主辦方淨化成功，但亦有網友指淨化後令車展宣傳力度大減，是利是弊，真係要主辦單位自己諗掂佢啦！