渡海濠情：模特陪酒夠晒噱頭
東京有夜店搵嚟大批退役嘅AV女優做公關，佢哋唔使剝，唔使出街，只陪客人吹水，據講夜店客似雲來，因為客人都係女優們嘅粉絲，能和偶像談談天都已經開心死，而嚟自利澳水療嘅佳錡，都話好想開間咁嘅夜店！
粉絲成長
佳錡話：「我哋冇乜嘢AV女優，但就有大把寫真模特兒，佢哋出道十年八年，一係成咗名做緊明星歌星，唔係嘅就已經退出娛樂圈，而我就有意將佢哋組合起嚟，開間咖啡店或者夜場，由佢哋嚟招呼人客，唔少寫真模特兒當年都叱咤一時，吸引萬千粉絲，只要佢哋唔好太走樣，相信一定有市場，而且隨着年月成長，當年嘅粉絲，家陣都三十幾歲，絕對唔會再係從前嘅小伙子或者宅男，經濟能力比以前更強，搵佢哋嘅錢，絕對唔係問題呀！」
寫真旅遊
佳錡補充：「如果反應好，有市場嘅，我哋仲會不定期推出一啲攝影活動，由昔日寫真模特兒嚟客串，索性由佢哋嚟擔大旗，下一步當然搞埋外拍，之後就同旅行社合作，搞埋寫真旅行團，每次四五個囡囡出發，一次吸引廿零三十人參加，每人收一萬八千，真係諗起都豬籠入水，你有冇興趣，有就幫你報個名！」充滿生意頭腦嘅佳錡，真係唔到你唔佩服。
佳錡 Profile
年齡：21歲
三圍：34-24-35
撰文：小德
攝影：阿昌