內地周不時都會利用比堅尼女郎嚟幫手做宣傳，最近石家莊有個景區，諗住有樣學樣，點知民眾突然一擁而上，伸手向比堅尼女郎身上亂摸，情況一度失控，比堅尼女郎個個花容失色，話下次畀多多錢都唔會再做。話說呢個景區，每逢周日都會搞啲促銷活動，而上周就想推介貝殼掛飾，於是搵嚟四五名比堅尼女郎，頸上掛滿飾物，當客人嚟嘅時候，一來可以當活動櫥窗，二來仲可以隨機送幾條出去，增加現場氣氛。起初遊人唔多時，客人同模特兒相安無事，但當客人稍多時，主持一話有嘢送，啲遊人竟一擁而上，爭相搶囡囡身上嘅貝殼掛飾。由於掛喺頸上，唔少囡囡畀人扯到一仆一碌，主持見狀立即叫停但都冇人理會，見掛飾被搶晒至肯收手。