揼完骨想食餐好嘢，一定要去澳門，事關間間桑拿都有大廚坐鎮，美食小炒源源不斷供應，就以利澳水療為例，佢哋嘅大廚就係隱世廚神，最拿手就係整西餐，但又要顧及一啲無飯不歡嘅客人，所以佢嘅菜式別具心思，當西餐齋食又得，配飯當餸都得，好似今日要介紹嘅「香煎銀鱈魚扒」咁，以加拿大急凍銀鱈魚嚟做材料，解凍後用少少胡椒粉同海鹽調味，再慢火乾煎，最後仲落兩滴秘製醬汁，令銀鱈魚香脆外，仲增添一陣醬油嘅香味，既可以西式配沙律嚟食，亦可配飯當餸嚟食。當日就係配飯嚟食，咬落外層香口，魚肉鮮嫩，半塊魚扒已經送咗一碗飯，可想好食程度，令人回味無窮。