假如呢個世界冇Sunny Leone呢件美籍印裔脫星，而阿妹剝紅後又冇返家鄉拍電影，你估Bollywood有冇咁多人留意呢吓？點解每次提到Sunny姐，都例牌會扯到Bollywood度呢？鬼咩，佢自從兩年前返家鄉拍大銀幕電影廣受傳媒關注後，人氣急升，啲Job多到接唔晒，之但係就減少拍四仔，連佢嘅專屬網站更新次數都減少埋。其實Sunny今時今日已經上晒位，四仔迷都應該預咗會係咁，而早前阿妹接受傳媒訪問時，就話現階段無意再拍鹹片，將精力放喺拍電影及宣傳工作上，嚟緊又會拍一部新戲，真係有排忙，所以四仔迷可以死咗條心喇！