要喺澳門歎靚景靚裝修，未必一定要到五星級酒店，喺商業中心一樣享受得到，價錢仲好合理添！位於AIA Tower 頂樓嘅Sky 21，居高臨下欣賞西灣湖一帶景色。佔地兩層連空中花園，設計富品味及時代感，散發着簡約而華麗的氣派，面積達二萬平方呎，21樓為餐廳，可嘗到中、西、日、葡、泰等菜式。食飽飽，記得轉戰22樓Sky B Bar暢飲，有露天區且經常舉辦不同活動。好似最近就邀請不少極具人氣嘅國際級DJ駐場打碟，仲有性感索女DJ落場獻技，而逢星期四晚亦有不同地區樂隊表演，三五知己飲酒吹水得，鍾意跳舞狂歡盡興又得。如果嫌室內太侷促，又可以到戶外露天酒廊，喺360度全澳夜景下一邊品嘗杯中美酒，一邊欣賞澳門的無敵海港景致。