每次想食炒飯卻又諗唔到食乜嘅時候，揚州炒飯呢個名字就會喺腦海中湧現。事關呢道炒飯普及嘅程度，唔單止喺宴會中見到，就連大江南北嘅餐館同酒樓，都會見到佢嘅蹤影，足見佢嘅影響力有幾咁遠大。雖然各個地方同餐館嘅揚州炒飯版本都有唔同，但基本材料都離唔開雞蛋、叉燒或火腿絲，當然唔少得隔夜飯，而要區分炒得上乘與否，則要睇廚師嘅基本功。今次為大家推介嘅揚州炒飯唔單止炒得夠火候，飯粒軟硬適中，雞蛋更係炒得夠均勻，最重要係不油不膩兼味道適中，若然再襯埋一杯啤酒嘅話，更覺滋味同滿足！
撰文：魂