早一段時間，曾介紹過一部經典情色片《不知不覺誘惑你》，其封面有個妙齡女郎一邊踩單車，一邊大露其豐滿圓潤靚股，而呢種畫面，有情色片大帝之稱嘅名導演丁度巴拉斯就最鍾意使用，佢除咗《不》片，亦有好多經典名作，今日就為大家介紹同樣充滿肉感誘惑嘅《窺慾》。
《窺慾》故事講述中年英俊猛男魯魯係大學教授，而佢父親亦係一名退休教授，不過就因為半身癱瘓，成日都要臥床休息，雖然魯魯唔係特別孝義，但係都唔忍心要父親獨居，所以除咗同父親同住，仲請咗個女看護嚟照顧佢。呢個女看護年輕貌美之餘，仲打扮花俏，更加絕不吝惜身材，成日都着住低胸裝，喺做家務同照顧父親嘅時候，豐滿嘅雙峰盡現人前。魯魯嘅老婆叫做蘇菲亞，喺結婚之後堅決唔肯搬到魯魯屋企同住，最後搞到大家感情破裂，雙方形同分居，但係蘇菲亞卻久久唔透露原因。有日，魯魯搵資料嘅時候，發覺父親間房有動靜，隔住房門嘅薄紗見到女看護居然向父親百般挑逗。
又到另一日，魯魯有位女學生主動向佢獻出肉體，本身情緒陷於低潮嘅魯魯都想同女學生有交流，但係攬攬錫錫之間，卻又無法產生性趣。後來，火辣性感嘅看護向魯魯袒胸露臂，意圖色誘佢，但係亦一如之前未能心動，原因係因為魯魯一直對蘇菲亞非常掛念，特別係佢豐滿嘅臀部。看護見勾引唔到魯魯，就向佢透露一個大秘密，就係佢父親近年曾經同一個年輕美女有路。看護嘅說話令魯魯覺得相當唔對路，於是急急去搵老婆蘇菲亞，話自己真心愛佢，呢個時候蘇菲亞至講出真相，原來二人新婚當晚，蘇菲亞就畀魯魯父親強暴過！魯魯知道呢個驚人真相後，同蘇菲亞破鏡重圓，更加下咗一個重要決定，就係一齊搬返屋企住。片中一班女角，如蘇菲亞同女看護都經常有意無意咁裸露豐乳肥臀，畫面誘惑之極，此外魯魯好多偷窺鏡頭，畫面有少少矇矓，意象更引人入勝，仲有一幕魯魯同女學生纏綿嘅場面，一面掛牆大圓鏡，畀大家從倒影中欣賞到部分動作，令觀眾都有一種偷窺感覺。
撰文：賢