內地擁有童顏巨乳嘅模特兒，真係有唔少，但能夠出道5年仲屹立不倒，相信只有佢一個，就係嚟自湖北嘅林柯彤，事關佢08年出道時以古墓派小龍女造型深入民心，自此就被網友叫佢做小龍女彤彤。
林柯彤最先係做外拍模特兒，由於樣子清純，身材火爆，屬於南方人嘅彤彤，竟有172cm身高，一雙40吋長腿，又白又滑已經殺晒，加上胸部有成35吋，腰圍就只得24吋，配埋渾圓巨臀，真係令唔少龍友流晒鼻血，所以一出道已經人氣十足，之後更被網絡遊戲公司看中，拍咗多個超性感嘅動漫遊戲造型，自此信心大增，毅然闖入模特兒界，接咗不少時裝同婚紗廣告。咪以為彤彤密實咗就殺傷力大減，只要稍稍一夾，深溝即時湧現，性感度同樣爆晒燈，其後更進軍車展，被喻為華中第一車模！
由於彤彤多年來身材不變，唔少雜誌都搵佢拍寫真，所以網絡上彤彤嘅寫真，真係多到數唔晒，至於影視作品方面，多年來都有參與，但都係客串性質，直至2012年喺電影《尷尬青春》中擔任重要角色，仲獲得不錯嘅評價，但彤彤十分謙虛，話自己還需努力。但最厲害嘅成績，就係佢係內地少數被外地首辦公司看中嘅模特兒，喺2011年12月推出佢嘅1:7個人首辦公仔，又難怪，彤彤超索嘅身材就已經夠晒賣點，據講一推出就賣斷，家陣有錢都買唔到！
簡介：呢個係彤彤嘅官方博客，收錄咗好多精彩照片，最正仲係圖文並茂，講述自己嘅心路歷程，絕對不容錯過。
網址：http://blog.sina.com.cn/linketong
撰文：龍四海