有所謂十年人事幾番新，一個少男過得十年可能變成一個體力欠佳嘅麻甩佬，一個女仔經過十年或許變成一個肥師奶。不過，事實上有好多特殊例子，經過十年醞釀期後，好似紅酒咁愈擺愈醇，而人就愈嚟愈索，佢就係佐藤江梨子嘞！
大約六年前，日本AV界有一位極品女優，其人身高5呎9吋，係罕見嘅長身美人，仲擁有一對脹卜卜F奶，加上如花美貌，紅唔起就真係冇天理，呢個就係佐藤江梨花喇！
阿妹佢其實係一位A貨，因為佢副偈同一個曾經擁有極高人氣嘅水着妹太相似，所以至改咗個同對方個名有九成似嘅藝名，咁呢位又係邊個呢？就係曾經有水着女王之稱嘅佐藤江梨子喇！
今年江梨子雖然已經三十有一，比起佢十五年前出道嘅時候那種青春感覺不遑多讓，仲多咗一分賢慧同秀雅氣質。
佢一副5呎9吋高挑身材以及35F-23-35嘅無敵靚偈完全冇變過，一樣苗條又誘人，全身上上下下都冇多餘脂肪，實在令人無從挑剔！
江梨子1999年參加一個叫做大磯長灘Campaign Galle嘅選美活動，因而得到知名藝能事務所Yellow Cab睇中，再帶佢入藝能界發展，其實佢之前就已經因為好身材而做過模特兒。成為藝能人之後嘅江梨子一邊拍水着寫真，一邊登上電視螢光幕同銀幕，全因為佢出道以來一直極速吸收人氣。此外，佢嘅演技亦同身材一樣咁有水準。
亦因為咁，江梨子參演過嘅知名電影系列多不勝數，包括好多港人熟悉嘅作品，例如係《模仿犯》、《日本沉沒》等等。
由於江梨子於藝能界咁吃得開，所以佢自2004年就已經冇再拍寫真，到今年至再次推出水着寫真集《es》。
江梨子接受訪問嘅時候，好謙虛咁表示自己已經年過三十，同AKB48班後生女真係冇得比，拍水着寫真嘅時候都有少少怕醜。
我就覺得江梨子副偈收埋咗十年都一樣咁吸引，加上其獨特又出眾嘅魅力，同班妹妹仔比併一樣冇得輸！
佐藤江梨子工作多多，拍完劇又要出席握手會，如果想緊貼其動向，就要Click上佢個博客喇。
網址：http://www.yellow-cab.co.jp/blog/eriko-sato/index.html
年齡：31歲
身高：5呎9吋
三圍：35F-23-35
撰文：賢