藝能界有分實力派同偶像派，前者以超強實力行先，後者就係賣靚樣。日本AV界亦有同樣分野，好似有AV版木村拓哉之稱嘅南佳也就梗係偶像派，至於實力派就一定非男優之王加藤鷹莫屬！而「精」戰多年嘅鷹哥近日宣告引退，結束25年嘅男優生涯。
今年54歲嘅加藤鷹，於1988年出道，至今參與超過5,300部AV嘅演出，據講畀佢征服過嘅AV女優亦超過5,000個，戰績輝煌，令全世界嘅男人非常羨慕。而另一個值得我哋廣大男士敬重同崇拜嘅地方，就係鷹哥性技超群，將原來由經典男優吉田潤嘅一招金手指發揚光大，令無數女優潮吹大作！
鷹哥嘅金手指亦成為佢嘅標記，更加係好多男人意圖學習嘅招式，所以單係鷹哥嘅黃金手指就已經可以製作大量周邊商品，例如女性用自慰器，仲有襟章、貼紙等等，可見其手指幾咁巴閉。鷹哥曾經喺一次訪問當中表示，呢隻金手指能夠令女優高潮迭起，重點唔係在於用猛力撩動，而係要溫柔咁郁動，搵啱對方最敏感嘅一點先至發功，千祈唔好整傷或整痛對方。由於鷹哥深諳照顧女性之道，所以同佢合作過嘅AV女優都對佢一致好評，亦樂於同佢再三合作。好似村上涼子主演嘅作品《光滑屁股的女人連絲襪褲陪浴》，其中一幕突然安排鷹哥出場，涼子姐一見到鷹哥既開心又興奮，猛咁向鷹哥鞠躬，證明佢的確有江湖地位兼受女優敬重。
鷹哥坦言，最初唔係想做AV男優，當年佢參與AV拍攝嘅時候係做攝影機組人員，後來因為唔夠男優，負責人又欣賞鷹哥一副6呎1吋嘅高大身材，所以獲邀下海。不過，鷹哥愈做愈有興趣，仲積極練好體能以及性技，獲得嘅獎項包括1996年Orange通信男演員獎以及1999年第8屆東京SPORT電影大獎AV男主角獎，更被公認為「性愛之帝王」，喺日本AV界地位無人能及，而且名揚四海。
鷹哥除咗係知名AV男優，亦係一名摔角手，此外出過書，甚至唱片，另外仲有漫畫家以佢嘅事迹作藍本，推出漫畫《鷹 擁抱過5,000人的AV男優．加藤鷹物語》。2000年有日本傳媒揭露鷹哥同經典巨乳AV女優麻生早苗秘密結婚，更育有一子。不過，鷹哥到家陣都冇正式承認。近日，鷹哥向傳媒宣告退出AV界，結束25年嘅男優生涯，引退之後會參與有關預防愛滋病宣傳活動。不過大家如果想跟鷹哥學嘢一樣冇問題，因為佢推出嘅性技教學影碟同書籍有大把貨賣。
撰文：賢