雖然日本AV拍攝場地可以話係無遠弗屆，無論係室內定室外，私人場地抑或公眾場所都成為AV女優嘅戰場，不過SOD嘅學園系列就有個指定拍攝場地，最近更出租畀大家開派對，體驗箇中校園風味添！
早陣子，台灣有個調查報告相當有趣，就係將一張室內泳池嘅相片畀有睇日本AV習慣嘅男士睇，結果有9成受訪者都認得該泳池經常出現於日本AV嘅泳池交歡系列當中。後來，呢個被稱為「萬惡泳池」嘅所在地，畀人公開詳細地址，位於東京新宿1丁目19-10。對於經常追捧AV名廠SOD作品嘅AV迷嚟講，除咗呢個泳池之外，熟悉嘅場景仲有一個，就係一個叫做SOD學園嘅課室喇！呢個課室位於東京中野區SOD總社嘅一樓，原本係辦公室，後來因為SOD要擴展業務，加上呢幾年以學生同教師為題材嘅作品相當多，於是就改造成為課室，以作拍攝學園系列之用。無論係裝修、設備都同真正課室一模一樣，仲有教員室、保健室以及體育室，大大增加作品嘅逼真程度。
最近，SOD推出出租SOD學園計劃，畀公眾人士租用場地，每小時收費為7,500日圓，約600港元左右。場方會提供小食和飲品，仲將其中一部分變身成為酒吧，方便租用者飲番兩杯。而租SOD學園有乜嘢玩呢？可以舉行音樂會、試片會、攝影會等等，場方已經安排好音響、燈光以及多媒體播放設備，同時亦歡迎開派對，等大家可以重溫學園生活。有消息指出，SOD學園計劃可能仲有一個目的，就係租畀公眾人士到場製作屬於自己嘅AV作品，雖然SOD喺計劃並冇提及，但係計劃中有一項寫住除咗提供音響等設備，仲可以同SOD洽商租用其他設備。咁都有道理，SOD可以順勢提供埋女優拍片，咁先搵到真銀吖嘛！
撰文：賢