現兜兜畀500萬美元過你，約3,900萬港元，條件係要拍套四仔，你制唔制？事緣有位索爆人妻叫Courtney Stodden，報稱係一位集音樂人、藝員及模特兒於一身，今年19歲，兩年前嫁咗畀一位53歲嘅叔父。阿妹副偈弗到爆，三圍有36DD-23-34，皮膚又白又滑，成為美國麻甩界嘅性幻想對象，難怪吸引當地一間成人製片公司 Panoporn重金邀請阿妹剝衫拍四仔。不過，阿妹卻不為所動，仲話為咗丈夫唔會拍鹹片，果然夠堅貞！但係勢估唔到，同時間Courtney同老公拍咗一部如何保持夫妻性關係活力嘅教育影片，上載喺Passion and Pleasure.com收費網站供會員下載欣賞，你話阿妹係咪愛情大過錢呢？