自《格雷的五十道陰影》一書推出後，對傳統兩性關係，引起不少衝擊，由於《格》書係以小說體裁書寫，唔似工具書咁乜都畫公仔畫出腸，因而有好多招式都要大家估估吓，期間仲有朋友捉錯用神，搞出意外添。有見及此，好多兩性學者就以《格》書為藍本，將當中嘅絕技一五一十、按部就班咁以工具書形式推出，今日就介紹當中一本。呢本新作由美國著名兩性作家梅莉莎班奈特編寫，名字叫《五十道陰影的調教性愛指南》，顧名思意作者就將《格》書嘅絕學，分門別類咁逐一介紹，全書分為五大部分，分別係擊打，綑綁、蒙眼、奴僕和主人，內容豐富又夠深入，好似擊打就教你打嘅力度同技巧，綑綁嘅物料同結繩技巧，真係啱晒啲初哥使用，而個人最喜歡就係主人同奴僕嗰兩章，因為好多朋友都想玩呢家嘢，但係一直都唔知點玩，家陣一書在手，真係一天光晒。