很多明星都因為誤打誤撞，參加咗某些比賽，因而一夜成名，就好似今日介紹嚟自安徽嘅王任秋子，佢嘅成名之路，就係誤打誤撞闖出來，家陣已經成為動漫界嘅大紅人。佢點解叫做王任秋子？佢話型喎！
至於佢姓王定係姓王任，佢成日都話由得你哋叫，但網友就比較喜歡叫佢做秋子姑娘，原本佢冇心入娛樂圈，初中畢業後，就考入老家嘅職業學校，希望學一技之長，但有日喺交友網上，畀朋友游說參加2011年嘅第六屆亞洲品牌小姐大賽，秋子就係咁樣誤打誤撞，勇奪上海賽區最佳氣質獎，自此踏入娛樂圈。阿妹做過賽車寶貝同足球寶貝，但令佢一炮而紅嘅，就係喺2013年嘅中國動漫展，以艷麗造型，令網友留下深刻印象，之後好多廣告同代言，都係同動漫遊戲有關，因此成為業界嘅人氣偶像。
講真秋子嘅身材只屬一般，上圍只有34吋，但勝在樣子甜美，夠晒可愛，所以只要露少少事業線，就已經十分養眼，加上有時佢會以泳衣或者內衣示人，噴血度馬上提高，難怪粉絲們一直力捧，只要有秋子嘅貼圖，就會火速轉貼。秋子除咗做模特兒取得成績之外，佢唱歌同繪畫原來都有一手，好似2011年參加亞洲品牌小姐時，佢即場繪畫一名人肖像畫而贏得一致好評，至於歌藝方面，據講佢正努力練習，希望今年內搵到唱片公司簽約，若時間許可，佢仲話唔介意參加乜乜好聲大賽，同全國嘅高手一較高下添！睇嚟秋子離成功之路又近咗一步！
由於王任秋子人氣爆晒燈，所以坊間有很多以佢命名嘅網站，但裏面好多都係冇乜料到，而呢個就有廿多輯秋子嘅寫真，絕對值得捧場！
網址：www.moko.cc/wangrenqiuzi
出生地：安徽
三圍：34-24-34
身高：168cm
撰文：龍四海