AV達人:AV女優選拔賽

正當本地嘅乜乜小姐選舉進行得如火如荼,最近日本AV廠IdeaPocket亦搞咗個AV女優選拔賽,為咗吸引更多有潛質嘅靚女參加,獎金高達一億二千萬日圓,約九百六十萬港元,真係發達喇!

處女下海

近幾年日本AV界發展迅速,而AV迷對新人女優嘅需求亦急劇增加,搞到各大小AV廠為發掘新人而費盡心思,好似SOD咁,早前特別開設全國人妻聯絡會議嚟發掘極品人妻。之不過,新人女優雖多,而且有樣有身材,部分仲擁有專業資格,又或者係薄有名氣嘅藝能人,但係星味欠奉,難以令AV迷留下深刻印象,所以做極都紅唔起。為咗搵到一個真正有星味嘅頂級新人女優,最近AV名廠IdeaPocket舉行「第一次AV明星誕生」選拔活動,而獎金高達一億二千萬日圓,約九百六十萬港元,欲利誘更多靚女參加。不過,要成功奪得呢份咁豐厚嘅獎金,首要條件係處女下海,即係首次拍AV,此外,要年滿18歲,不過就冇年齡上限,即係話熟女亦可以參加,只要合乎條件及有潛質就得。

成名在望

然而要成為AV界嘅明日之星,仲要過三關,第一關係文件審核,即係睇吓身份證明文件、便服及泳衣照片。獲入圍嘅佳麗就可以進入第二關,由I廠嘅專業AV團隊同囡囡面談。到第三關就緊要啦,要即場試戲,以測試一下演技。最後勝出嘅佳麗可以得到獎金連I廠嘅專屬合約,總值一億二千萬日圓。而合約進行期間,除咗可以拍AV,仲可以同廠中嘅師姐四圍登台演出,以及做雜誌模特兒等,可謂成功在望,大家有興趣可以Click上網睇詳情。

網址:http://www.ideapocket.com

撰文:賢