情侶為求令性愛更加刺激、興奮，都會選擇喺唔同嘅地方曳曳，好似浴室、客廳同天台等，只係呢啲地方對性愛冒險王嚟講不過係碎料。美國有交友網站進行咗個調查，讓受訪者分享佢哋覺得既具危險性又恐怖嘅地方。大家睇還睇，呢啲地方真係咪亂試呀！
唔知大家有冇試過夜探陰森嘅墓園呢？喺唔少受訪者嘅眼中，覺得喺墓園曳曳相當有冒險嘅成分。有受訪者認為墓園內有種靈氣逼人嘅感覺，加上對於死亡嘅恐懼，喺度曳曳嘅話唔單止係種色膽包天嘅嘗試，最重要係能夠喺詭異氣氛之下，仲可以有心情同有能力與伴侶曳曳，絕對係膽識過人。
車震唔少人都試過，點解會被視為性愛大冒險？事關此車震乃係喺駕駛中嘅汽車內曳曳，如此膽大妄為嘅表現，確實既瘋狂又亂嚟！當然，調查歸調查，佢只係反映出男女認為邊度曳曳至為冒險而已，因為咁做不但係唔負責任嘅表現，仲係犯法嘅行為。去年10月英國明尼蘇達州就有名男子，因同女伴喺車輛行駛中曳曳，導致他人死亡而入獄，真係千祈咪試呀！
冰川旅遊唔少人試過，只係潛在嘅危機卻唔係個個都知。冰川嘅低氣溫輕則令人出現凍傷，重則有機會要截肢，尤其係對情到濃時嘅冒險王情侶，曳曳途中唔覺意剝光豬，後果更係可大可小。此外，冰雪反射嘅紫外線會對眼睛造成傷害之餘，由於近年冰川溶解速度加劇關係，令冰川結構變得唔穩固，若然情侶動作過激時，分分鐘會跌落冰溝中。
撰文：魂