唔少新進歌手為咗吸引大家注意，都鍾意不露面，先「Sing」奪人嘅方法登場，卻估唔到原來喺裸模界，同樣有新進裸模以呢個方法登陸，其中一位就係家陣紅到爆燈嘅Emily lorence Shaw。
今年22歲嘅英國裸模Emily Florence Shaw，又稱Emily F Shaw或Emily Shaw，出道嘅方法相當特別。事關佢有別於其他裸模，以雷霆萬鈞嘅寫真集加宣傳活動，宣布登陸裸模界，反而以極低調嘅方法嚟吸引大家嘅注意。話說早喺2011年時，Emily已經為男士雜誌FHM影火辣寫真，只係當時以素人姿態登場，換言之既無名字又冇任何個人資料及簡介，卻憑住佢玲瓏浮凸嘅身材同俏麗嘅容貌，成為一時話題。此後，Emily一直以素人身份活躍於裸模界。及至2012年5月，以性感美艷嘅造型成為FHM百大火辣女模特兒後，終於成功令眾多男士留意到佢，並追問佢係邊位。三日後，FHM至公布Emily嘅資料。咁出位嘅宣傳手法，為佢喺裸模界奠下成功嘅基礎。
Emily喺男士雜誌嘅宣傳攻勢取得成功後，佢一啲都冇自滿，除咗不斷接下寫真及出騷工作外，又喺同年參加由英國太陽報舉辦嘅第3頁女郎選美比賽，結果佢輸咗畀另一位人氣裸模Lucy Collett屈居亞軍。Emily對呢個結果相當滿意，皆因佢冇耐之前至以真名示人，但佢班粉絲卻唔係咁諗，不但為Emily不值，仲列舉咗28個佢應該成為冠軍嘅理由，而當中最大嘅理由就係佢渾身上下散發着英倫女性嘅氣質。姑勿論靚嘅定義每人都唔同，只係憑住呢種人氣就足以說明，佢嘅人氣有幾高！事實上，Emily唔單止喺裸模工作上取得成功，更先後為各大男士雜誌、寫真網站、內衣展等亮相，最近佢更得到音樂人嘅注意，搵佢踩過音樂界，實行將佢打造成一位性感得嚟又唱得嘅模特兒。
出生日期：1991年7月11日
身高：5呎7吋
三圍：32DD、25、30
Emily嘅人氣之高令佢工作不斷，但仍然會抽空利用面書同粉絲見面，除咗分享佢個人近況外，亦會上載生活照。如果想了解多啲呢位充滿英倫氣質嘅裸模，不妨入去睇睇兼同佢打打氣。
網址：https://www.facebook.com/pages/Emily-F-Shaw/296662973699033
撰文：魂