睇AV係小弟嘅嗜好，不過我揀AV都有特定嘅標準，一要女優擁有巨胸，二係要有劇情，咁至可以有投入同幻想嘅空間嘛。經典美國情色電影《美麗有罪》，男主角所產生嘅性幻想就為觀眾帶來無限遐想，令作品少鹹多趣，元素更豐富喇！
《美》片故事，講述由奇雲史柏西飾演嘅萊斯特係一個中年人，職業係雜誌作家，佢老婆卡羅琳則係一名事業心極強嘅地產界女強人，二人育有一女珍妮。萊斯特屋企屬於中產，生活平平穩穩，但其實就係你睇人好，人睇你好，家人之間嘅關係並唔似表面咁和諧，一來珍妮同父母關係疏離，二來萊斯特覺得老婆成日顧住搵錢，而老婆則覺得老公冇出色。某日，有新鄰居搬嚟，同樣係三人家庭，父親係退休軍人，老婆就係性格內向嘅中年婦，至於18歲嘅囝囝里奇就係一名宅男。為咗增進鄰里關係，兩家人不時有交流，而珍妮更加同里奇展開戀情。另一邊廂，里奇阿爸則開始對萊斯特產生斷背興趣。不過，萊斯特梗係拒絕啦，事關佢去睇阿女嘅啦啦隊表演嘅時候，睇中咗佢嘅隊友，一個可愛又帶姣味嘅安琪拉，從此萊斯特成日都對佢有性幻想，就算知道老婆勾佬亦唔在乎。
後來，更知道安琪拉向珍妮表示，如果萊斯特變得健碩，就唔介意同佢發生關係，於是萊斯特就努力健身。一次，萊斯特去到安琪拉屋企，表面上就係想安慰情緒低落嘅安琪拉，實則就係想同佢上床，但係當知道佢仲係處女之身，終於醒覺自己唔應該一樹梨花壓海棠，轉而將安琪拉當係囡囡咁安慰一番。最後，佢老婆卡羅琳因為情緒不穩，居然將萊斯特槍殺。
有人話《美》片故事帶有好多訊息，包括性傾向、家庭關係、鄰里關係以及中年危機等等，不過最發人深省嘅正係萊斯特表示就算死去，但係依然高興，因為佢知道世界充滿美麗之處。當然，如果大家唔想諗咁多，片中都有唔少情色場面滿足到，例如萊斯特性幻想嘅時候，每每都有嬌美嘅安琪拉半裸出現，同時仲有好多紅玫瑰花瓣相伴，為大家帶來無限遐想，另外老婆卡羅琳嘅一幕床上戲都相當激情，令人睇到熱血沸騰。
撰文：賢