小弟成日都好佩服日本水着妹，佢哋經常穿着比堅尼喺陽光下拍攝，但係仍然保持一身雪白肌膚，果然係天生麗質。而雪白嘅水着妹幾時都咁吸睛，好似最近推出寫真DVD嘅Tokky，就係小弟呢期嘅至愛。今年21歲嘅Tokky，原名時田愛梨，現讀緊大學，佢除咗係水着女優之外，亦係女子團體Nice Girl Project嘅成員之一，以雪白美肌以及性感演出而漸漸上位。阿妹最新推出嘅寫真DVD名為《來吧，來吧》，取景於熱情嘅泰國，其演出嘅火熱程度亦爆晒燈，換上極少布嘅水着示人，幾乎包唔住其驕人F Cup美巨乳，真係熱力四射！