今個月6日，北京某水上樂園為咗刺激客流，舉辦咗個「接吻ＰＫ大賽」，挑選咗20名情侶，喺過千人面前舉行接吻耐力賽，而期間仲要聽從主持嘅指示，不斷轉換接吻嘅姿勢，有人公開接吻，自然氣氛高漲，但事後有網友睇番報道，就覺得呢啲比賽喺外國真係司空見慣，而且每次拍出嚟嘅畫面都十分詩情畫意，但睇番今次報道嘅畫面，男不俊俏，女不漂亮，身材又差，泳衣就更騎呢！一睇畫面，就唔想再睇落去，除咗現場有少少效果外，放到上網只能變成笑話一則，畀你睇到樂園有啲咁嘅比賽，你會唔會帶埋女友去參加呢？話唔定連去玩嘅心情都會動搖埋，所以有啲「橋」真係咪亂抄，諗清後果至好做！