歡場無真愛，彼此之間只有性同金錢連繫，但係一套《風月俏佳人》就話畀我哋知，原來嫖客同妓女之間都可以發生真感情兼有浪漫動人嘅結局，唔怪得呢幾年來聽到咁多師兄發出沉船報告喇。後一輩嘅朋友如果唔想睇番呢套廿多年前嘅電影，從中研究沉船起因，可以睇吓呢本情色小說《Beautiful Bitch》。
本書講述後生貌美嘅Chloe剛剛開始做援交妹，而第一次接客就係有錢有面嘅Bennett。Bennett希望同Chloe享受充滿狂野嘅一夜情，之不過Chloe可能唔慣做呢行，又或者唔想屈服於Bennett嘅淫威之下，咁容易畀佢征服，於是斷然拒絕。然而Bennett梗係唔會咁易放棄啦，於是請Chloe去法國嘅別墅玩，從中不斷進行挑逗行為，最後當然係成功埋牙啦，雙方於過程當中角力至值得細味。
售價：約HK$69