唔知係咪男人保護女性嘅天性使然，每次見到女士都會有種想保護佢哋嘅衝動，當然，如果面前係位索女嘅話，呢種使命感更係強烈。不過用呢種眼光嚟睇索爆裸模Milena D嘅話，大家一定會大跌眼鏡，事關天使面孔同魔鬼身材混合體嘅佢，個性其實相當堅毅。
今年22歲嘅烏克蘭裸模Milena D，話佢係天使同魔鬼嘅混合體一啲都冇誇張。事關擁有34B罩杯嘅佢，竟然擁有一條僅得23吋嘅纖腰，加上35吋嘅渾圓美股，絕對係魔鬼級數，加上佢擁有純真少女嘅天使外貌，更係叫人一見難忘，難怪有唔少同佢合作過嘅攝影師，都不約而同認為佢喺裸模界有光明嘅未來。事實上，Milena嘅發展確係如佢哋所言，自2011年開始，發展一日千里，除咗先後同Met-Art、Seks-Art等著名成人寫真網合作外，更先後喺各大車展、內衣展等場合行天橋，並且為男士運動、時裝等雜誌影寫真。據聞Milena遲啲仲會喺英國電視節目中客串做主持，如此發展令唔少裸模眼紅不已。
不過喺風光嘅背後，Milena其實付出亦有唔少。早喺2010年已踏入裸模界，並且喺美國推出首張個人寫真影碟，之所以要等到2011年才有理想嘅發展，全因當時Milena患上大病。不過對自細已經出嚟做兼職嘅佢嚟講，大病並非阻礙其工作嘅理由，縱然佢病到日日要食藥，只係Milena仍然堅持工作，直到有日醫生表示如果再唔休息，後果將不堪設想，佢先至決定暫休半年。喺上個月，Milena為咗影一輯泳池相，由於長時間要成個人浸喺泳池關係，混有氯氣嘅池水令佢眼睛出現嚴重嘅過敏，阿妹並冇錫住自己繼續拍攝工作，足見佢嘅堅毅性格。由於佢呢種硬淨嘅性格，不但令Milena比其他裸模更捱得苦，更被一眾裸模好友視為大家姐添！
出生日期：1991年6月10日
身高：5呎6吋
三圍：34B、23、35