內地當紅女星，真係十隻手指數得晒，所以好多新人，話似某某紅星，真係來來去去都係嗰幾個，喻為「民歌版范冰冰」出道嘅楊棋涵，唔經唔覺已經出道五年，形象改變不少，唔再係以往嘅純情歌手，而係新一代性感偶像。
畢業喺中國音樂學院嘅楊棋涵，自小能歌善舞，2008年初出道，以純情歌手形象示人，被喻為民歌版范冰冰，但呢個封號對佢星途一啲都冇幫助，事關年中乜乜范冰冰，物物小冰冰，真係一街都係，後嚟佢決意改變形象，以日系前衞造型，加上完美身材，毅然勇闖模特兒界，講真棋涵身高170cm，三圍玲瓏浮凸，上圍有35吋，據網友透露其級數高達F，所以着唔着衫都性感逼人，由於身材火辣，所以攝影師同廣告商，有理冇理都要佢露兩手，而棋涵亦非常合作，只要攝影師有要求，佢都會唔錫身，經常真胸示人，所以佢嘅寫真噴血度驚人，少啲定力都支持唔住！
另外，棋涵亦不時出席綜藝節目，由於能歌善舞，加上口才了得，深受觀眾歡迎，有時更會做埋客席主持添，多年來亦拍過多套電視劇，但由於性感形象太深入，要佢改變的話，就算佢肯觀眾都唔會制，所以拍親都係時裝片，唔係模特兒就係大企業靚女職員，雖然表現不俗，但演技未能充分發揮，棋涵已經放聲氣，可以接受其他角色嘅挑戰，真係令人期待。楊棋涵曾經留學奧地利，性格比較開放，經常把私生活公告天下，先後捲入「找鴨門」同埋「自慰門」事件，令人感覺話題不斷，有人仲話佢存心炒作，其實以棋涵嘅外表，有冇緋聞都一樣人氣爆燈。
出生地：山東煙台
三圍：35-24-36
身高：170cm
簡介：楊棋涵嘅官方博客內，收錄咗好多超性感寫真，最令人驚喜嘅都係楊棋涵嘅自拍照，張張大賣事業線，令人睇到興奮莫名。
網址：http://blog.sina.com.cn/u/1732518843